المقلط مكان تقول فيه اللي في خاطرك.
بدأ من ملاحظة بسيطة: في أسئلة كثيرة ما تنسأل. مو لأنها عيب،
ولا لأن ما فيه من يجاوب — بس لأن اسمك يجي معها.
تبي تعرف إذا قرارك صح، بس السؤال نفسه يكشف إنك مو متأكد.
تبي رأي صادق، والناس تجاملك لأنها تعرفك.
تبي تسأل شي المفروض تعرفه من زمان، وتستحي.
فبنينا مكانًا سؤالك فيه يوقف لحاله.
المقلط هو المجلس السعودي اللي يجتمعون فيه الضيوف
للأكل والسوالف ومشاركة الضحكات.
اخترناه لأنه يوصف بالضبط الشي اللي نبي نبنيه:
مكان بعد الرسميات، تقعد فيه على راحتك، وتتكلم بدون حساب.
الصراحة. أنفع كلام هو اللي يُقال بدون حساب لمن يسمع.
الناس ما تجامل لأنها تحب المجاملة — تجامل لأن الصدق مكلف.
لما تقلّ الكلفة، يطلع الصدق لحاله.
الموثوقية. الصراحة بلا ثقة سوالف.
الجواب هنا يجي من واحد عاشها، مو من واحد قرأ عنها.
الوضوح. السؤال الواضح يلقى جواب واضح.
نكتب بسيط، ونشجّع الناس تكتب بسيط.
الدقة. الرقم أفضل من الانطباع، والتجربة أفضل من الرأي.
النقاش اللي فيه أرقام يوصل. اللي بدونها يدور في محله.
الاحترام. تقدر تخالف أي أحد هنا، وما تقدر تجرح أحد.
هذا مو قيد على الصراحة — هذا شرطها.
المكان اللي فيه تجريح يهرب منه أصحاب التجربة الحقيقية،
ويبقى فيه أصحاب الصوت العالي.
المقلط منظّم بمجتمعات. كل مجتمع له موضوعه وناسه ومشرفينه.
داخل المجتمع تسأل، وتجاوب، وتقول رأيك، وتشارك تجربة عشتها.
وأول من يفتح المجتمع، يصير أول مشرف فيه.
المقلط لسّه في بدايته. وهذي مو نقص — هذي فرصة ما تتكرر.
المقلط منتج سعودي، مبني في الرياض، ويخضع لأنظمة
المملكة العربية السعودية.
نبدأ بالسعودية، ونتوسّع في الخليج، ثم في المنطقة العربية.
من التطبيق: الإعدادات ← الدعم والمساعدة
بالبريد: [email protected]